Serbët në Kosovë festojnë Krishtlindjen Ortodokse

09:22 | 7 Janar 2025
E.K

Serbë në Kosovë festojnë Krishtlindjen Ortodokse. Ceremonitë fetare dhe traditat janë zhvilluar në disa vende të Kosovës.

Në Manastirin e Graçanicës, festa e Krishtlindjes ka filluar me liturgjinë e mesnatës së Shën Gjon Gojartit. Në prani të një numri të madh besimtarësh, liturgjinë e shërbeu mitropoliti Rashkë-Prizren, Teodosije.

Ai e ka lexuar mesazhin e Krishtlindjeve të Patriarkut serb Porfiri.Gjithashtu dhjetëra besimtarë në kishën e Shën Nikollës në Prishtinë kanë festuar Krishtlindjet.

Ndërsa në Mitrovicën e Veriut, një numër besimtarësh u mblodhën në Tempullin e Shën Dhimitrit për të marrë pjesë në liturgjinë e organizuar për këtë ditë.

Një tjetër ceremoni u zhvillua në Manastirin e Banjskës, me zakone dhe rituale të veçanta. Gjatë shënimit të kësaj feste u zhvillua edhe një prej traditave kryesore të Krishtlindjes Ortodokse, ajo e djegies së pemës së Krishtlindjes./rtk

Shpërndaje në rrjete sociale

Lajmet më të lexuara

Të ngjashme

Foto lajm