Senati amerikan miraton ligjin që zgjeron mbështetjen për Kosovën

13:59 | 29 Korrik 2023
K.B

Ministri i Mbrojtjes, Armend Mehaj ka bërë të ditur se Senati amerikan e ka miratuar ligjin që zgjeron autoritetin ekzistues të Departamentit të Mbrojtjes në ofrimin e mbështetjes për Kosovën.

“Lajm i madh! Senati ka miratuar ligjin për të forcuar mbështetjen e Departamentit të Mbrojtjes për Kosovën. Faleminderit senatores Shaheen për përkushtimin e saj për të siguruar këtë dispozitë. Kosovë-SHBA, së bashku më të fortë”, ka shkruar Mehaj në Facebook.

Përmes këtij ligji do të rritet ofrimi i mbështetjes për Kosovën në intensifikimin e ushtrimeve të përbashkëta dhe trajnimin e Forcës së Sigurisë së Kosovës si pjesë e stërvitjeve shumëpalëshe, duke kontribuar kësisoj në thellimin e bashkëpunimit në fushën ushtarake me ushtrinë amerikane./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm