Selmanaj – Qeverisë: Sa kemi arritur ne për 9 muaj, ju s’mundeni as për tri jetë

12:19 | 4 Maj 2023
Emir Abduramani

Deputeti i Lidhjes Demokratike të Kosovës (LDK), Driton Selmanaj i ka thënë ministrit të Financave, Hekuran Muratit, që cka ka bërë Qeveria Hoti për 9 muaj, qeveria aktuale nuk mund ta arrijë edhe po t’i ketë tri jetë.

“Edhe tri jetë me i pasë ti, s’ke me mujtë me mbërri 9 muaj sa kemi arritë ne me e çu Kosovën në Shtëpinë e Bardhë. Edhe tri jetë me i pasë”, tha Selmanaj.

Ai i ka replikuar ministrit të Financave, Hekuran Murati, duke i thënë se me marrëveshjen për të zhdukurit, Kosova ndër tjerash e ka hequr edhe mundësinë e kompensimit.

“Në marrëveshjen e Washingtonit, ti djalë i mirë, që ka ndodh në Shtëpinë e Bardhë, jo në villën e Tittos në Ohër, jemi marrë vesh për zotime. Këtu ke nënshkru marrëveshje me Serbinë ku e ke amnistu Serbinë, e ke barazu institucionalisht përgjegjësinë dhe ua ke heqë mundësinë që njerëzit të kërkojnë kompensim”, tha Selmanaj./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm