Selimi: Rruga e Qeverisë është Beogradi, e Vetëvendosjes, Kosova

22:51 | 14 Shkurt 2017
Trina Galanxhi

Deputeti i Lëvizjes Vetëvendosje! Rexhep Selimi, tha se Kosovës i kanë mbetur vetëm dy rrugë për të ardhmen. Rruga e Vetëvendosjes është Kosova, ndërsa rruga e Qeverisë, Beogradi i Serbisë.

“Kosova ka dy rrugë, ose me këtë qeveri drejtë Beogradit, ose me Vetëvendosje drejt shtrirjes se sovranitetit të plotë të Kosovës, pa ‘Zajednicë’ dhe demarkacion të padrejtë me Malin e Zi”, tha Selimi, gjatë një takimi në fshatin Malësi e Vrrinit në Prizren.

Ai, në këtë takim ka folur, për situatën politike në Kosovë. Sipas tij, situata në Kosovë është shumë e rëndë, shkruan PrezrenPress.

Selimi në këtë takim është shoqëruar nga anëtari i Kryesisë, Adem Shabanaj, dhe kuvendarët e Prizrenit, Arbër Rexhaj dhe Drita Millaku.

Rexhaj dhe Millaku thanë se Vetëvendosje! po shtrihet gjithandej komunën e Prizrenit.

“Kjo do të prodhojë rezultate drejt fitores”, thanë Rexhaj dhe Millaku

Shpërndaje në rrjete sociale

Lajmet më të lexuara

Të ngjashme

Foto lajm