Google ADS

Selimi: PAN nuk i ka numrat

19:29 | 18 Korrik 2017
Arbresh.info

“Sikur PAN t’i kishte numrat, tashmë seanca konstituive do të ishte mbajtur”, ka thënë deputeti i zgjedhur nga radhët e Lëvizjes Vetëvendosje, Rexhep Selimi, në një intervistë për TV Dukagjini.

Sipas Rexhep Selimit, krejt kjo tendencë me zgjatje të tilla është tendencë e papranueshme për qytetarët. Sipas tij, PAN synon që të lodhë subjektet e tjera politike dhe qytetarët.

“Po t’i kishin numrat, tash do të kishim seancën konstituive të mbajtur”, u shpreh ai, përderisa shtoi se krejt kjo situatë është krijim artificial i një fryme të fituesit.

Ndërkaq, Rexhepi theksoi se në cilëndo situatë koalicioni PAN, do ta kishte të pamundur të lëvizë nën varësinë e Listës Serbe, për të cilën tha se nëse VV dhe LAA do ta formonin qeverinë pas dështimit të PAN-it, ata nuk do të flasin fare me Listën Serbe, pasi vet i kanë 61 vota, të cilat i mjaftojnë që ta formojnë qeverinë, kurse Listës Serbe do i jepnin vetëm atë pozitë që ia garanton kushtetuta.

Shpërndaje në rrjete sociale

Lajmet më të lexuara

Të ngjashme

Foto lajm