Selimi i përgjigjet Veselit: Nëse pritni vota nga VV-ja, do të mbetni me gishta në gojë

22:32 | 27 Shkurt 2018
M. A.

Rexhep Selimi i është kundërpërgjigjur kryetarit të PDK-së, Kadri Veselit i cili pak çaste më parë tha se ka deputetë të VV-së të cilët do të votojnë pro demarkacionit. Selimi ka thënë se deputetët e Vetëvendosjes janë unik kundër kësaj marrëveshje.

Selimi ka thënë se kushdo që pret që demarkacioni të votohet nga deputetët e VV-së do të mbetet me gishta në gojë.

“Unë nuk komentoj deklarata të Kadri Veselit sepse nuk ia vlen. Ai le t’i sheh deputetët e tij dhe të Listës Serbe me të cilët ka koalicion. Deputetet e VV-së e kanë të qartë dhe janë të vendosur kundër marrëveshjes se demarkacionit. Kushdo që pret që LVV do ta votojë demarkacionin do të mbetet me gisht në gojë ” ka thënë Selimi për Blic.

Seanca për demarkacionin me Malin e Zi është caktuar për nesër nga ora 10:00. Deputeti i PDK-së, Elmi Reçica gjatë ditës së sotme ka konfirmuar se nuk i kanë siguruar ende 80 vota për demarkacion, sipas tij do të duhen edhe dy vota.

Shpërndaje në rrjete sociale

Lajmet më të lexuara

Të ngjashme

Foto lajm