Dy persona janë arrestuar të martën në Prishtinë, pasi dyshohet se kanë qenë duke shit-blerë substanca narkotike.

Sipas njoftimit 24-orësh të Policisë së Kosovës në banesën e të dyshuarit janë gjetur dhe sekuestruar 27.8 gram substancë e dyshuar narkotike e llojit heroinë, shkruan Arbresh.info

“Rr. Ilaz Kodra, Prishtinë 07.11.2023 – 13:00. Janë arrestuar dy të dyshuar meshkuj kosovarë, pasi janë kapur në flagrancë duke shit-blerë substancë narkotike të llojit heroinë. Është kryer bastisje në banesën e të dyshuarit, ku janë gjetur dhe sekuestruar 27.8 gram substancë e dyshuar narkotike e llojit heroinë. Të dyshuarit me vendim të prokurorit pas intervistimit janë dërguar në mbajtje”, thuhet në njoftimin e policisë.

Një rast thuajse i njëjtë ka ndodhur të martën në Prishtinë.

Policia gjatë kontrollit të banesës tek një i dyshuar ka sekuestruar 3 gram substancë të llojit marihuanë.

“Rr. Mustafë Kruja, Prishtinë 07.11.2023 – 17:15. Është arrestuar i dyshuar kosovar, pasi gjatë kontrollit i është gjetur dhe sekuestruar 3 gram substancë e llojit marihuanë. I dyshuari me vendim të prokurorit pas intervistimit është liruar në procedurë të rregullt”, thuhet në njoftimin e Policisë së Kosovës./Arbresh.info/