Sekuestrohen dy armë zjarri në dy fshatra të Podujevës

23:30 | 23 Prill 2023
E.H

Dy armë zjarri janë sekuestruar nga Policia e Kosovës në dy lokacione të ndryshme në Batllavë dhe Orllan.

Sic njofton policia, sekuestrimi i parë është realizuar në fshatin Batllavë, ku për intervistim është shoqëruar në stacion policor, i dyshuari S.S. Personit të dyshuar i është gjetur dhe sekuestruar një armë zjarri e tipit TT, një karikator me dy fishekë.

Ndaj personit të dyshuar është iniciuar rast për veprat “Mbajtje në pronësi , kontroll apo posedim i pa autorizuar i armës”, si dhe “Përdorim i armës”. I njëjti dyshohet të ketë shtënë në një aheng.

Ndërsa sekuestrimi i armës së dytë, është bërë në fshatin Orllan të Podujevës. Arma e zjarrit e tipit CZ dhe një karikator me 5 fishekë, i janë gjet dhe sekuestruar personit të dyshuar J.A. Ndaj tij, është hapur rast për armëmbajtje pa leje./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm