Policia e Prizrenit ka njoftuar se gjatë vikendit dhe sot ka sekuestruar tri armë: dy pistoleta dhe një armë gjahu.
Sipas njoftimit të Policisë, te një i dyshuar, në rr. “Ramadan Zaskoci”, në Prizren, është sekuestruar një pistoletë e llojit “Zastava”.
Gjatë hetimit të rasteve të vjedhjes, hetuesit kishin arritur të siguronin informata për armën të cilën i dyshuari e ka dorëzuar në mënyrë vullnetare.
Rasti i dytë po ashtu ndërlidhet me vjedhje.
I dyshuari e kishte vjedhur një armë gjahu në një shtëpi në rr. “Enver Buçaj” dhe të njëjtën ia kishte shitur një të dyshuari tjetër.
Arma është sekuestruar ndërsa kallëzimi penal do t’i kalojë prokurorisë për të dyshuarin që ka blerë armë të vjedhur.
Ndërkaq, rasti i tretë ka ndodhur sot në rr. “Gjallica”, me ç ‘rast një qytetar e kishte denoncuar rastin e vjedhjes të telefonit në Prevallë.
Gjatë hetimit është gjetur telefoni por edhe një pistoletë e llojit “EKOL FIRAT MAGNUM”.
Kallëzimi penal do t’i kalojë prokurorisë për procedura të mëtejme ndërsa i dyshuari është liruar, njofton Policia e Prizrenit.
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...