Sava Janjiq thotë se rruga Deçan – Plavë nuk ka nevojë për zgjidhje, e kanë ligjin

17:53 | 25 Gusht 2020
Arbresh Info

Kryeministri i vendit Avdullah Hoti, gjatë ditës së sotme kishte vizituar Manastirin e Deçanit, në të cilën u takua me Igumenin e Manastirit të Deçanit, Ati Sava Janjiq, transmeton arbresh.info

Pas këtij takimi kryeministri Hoti, përmes një statusi në facebook, kishte deklaruar se së shpejti do të bëjë një zgjidhje që është e pranueshme për të gjithë në lidhje me çështjen e rrugës së Manastirit.

Por ndryshe nga kryeministri Hoti, është deklaruar Igumeni i Manastirit të Deçanit, Ati Sava Janjiq.

Sipas tij, çështja e rrugës së Manastirit nuk ka nevojë për zgjidhje ngase ajo është e rregulluar me ligj.

“Sot prita në takim kryeministrin e Kosovës, Avdullah Hotin, kryetarin e Komunës së Deçanit, Bashkim Ramosaj dhe komandantin e KFOR-it, Michele Risi me bashkëpunëtoret e tyre. Në një bisedë të hapur për të gjitha problemet aktuale në zonën e veçantë të mbrojtur të manastirit, ne u pajtuam që zgjidhjet të kërkohen me respekt të plotë për ligjet ekzistuese.”, ka thënë Janjiq.

Ndryshe në këtë vizitë morën pjesë edhe Kryetari i Komunës së Deçanit, Bashkim Ramosaj dhe komandanti i KFOR-it, Michele Risi/arbresh.info/

Ky ishte postimi i kryeministrit Hoti:

“Sot vizitova komunën e Deçanit, ku u takova me kryetarin, Bashkim Ramosaj, dhe Manastirin e Deçanit, ku u pritëm nga ati Sava Janjiq.
Diskutuam për çështje të rëndësishme për zhvillimin ekonomik të Deçanit dhe në veçanti për çështjen e rrugës së Manastirit. Ne kemi kulturë institucionale, edhe si komunë, edhe si qeveri për të respektuar ligjet që janë nxjerrë nga Kuvendi i Republikës së Kosovës, për të respektuar vendimet që i nxjerrin institucionet tona vendore. Biseduam që në javët e ardhshme të gjejnë një zgjidhje që është e pranueshme për të gjithë duke e mbrojtur kështu interesat e qytetarëve, por edhe interesat e Manastirit të Deçanit si një vend i veçantë i trashëgimisë sonë kulturore e botërore.”

https://www.facebook.com/avdullah.hoti/posts/3578226778905317

 

 

 

 

 

 

Shpërndaje në rrjete sociale

Lajmet më të lexuara

Të ngjashme

Foto lajm