Google ADS

Sami Kurteshi “probleme” edhe me Kryetarin e ri të KQZ-së

11:40 | 9 Shtator 2021
arbresh.info

Anëtarit të Lëvizjes Vetëvendosje në Komisionin Qendror të Zgjedhjeve, Sami Kurteshi, i ka dalur “problem” edhe me kryetarin e ri të KQZ-së, Kreshnik Radoniqi.

Ky i fundit kërkoi të përfundojnë diskutimet në lidhje me shkeljet e konstatuara nga Komiteti i Auditimit derisa të dihet me saktësi në lidhe me ato shkelje.

“Nuk ta jap fjalën ma. Është bërë gjysmë ore që kemi fillu dhe ende nuk po mund të vazhdjmë”, deklaroi Radoniqi.

Por, kjo nuk u përfill nga Kurteshi dhe i njëjti tha se nëse deri në fund të javës tjetër shkeljet nuk dërgohen në prokurori do ta bëjë personalisht ai.

“Dhe i pëlqeu dikujt apo jo ne do ngrisim në mbledhje çdo çështje publikisht, pasi që për këtë çështje jemi këtu, unë do veproj personalisht. Ne e dimë që ka veprime të fshehta në këtë drejtim. Shkeljet kanë të bëjnë me vjedhje”, deklaroi Kurteshi.

Kurteshi vazhdimisht polemizonte edhe me ish-kryetaren e KQZ-së, Valdete Daka./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm