Google ADS

Salla e Sporteve në Samadrexhë merr emrin e heroit, Afrim Bunjaku

20:01 | 28 Shtator 2023
E.G

Kryetari i Komunës së Vushtrrisë, Ferit Idrizi ka njoftuar se nga sot Salla e Sporteve në Samadrexhë, do të mbajë emrin e heroit “Afrim Bunjaku” i cili humbi jetën në sulmin terrorist në veri të vendit.

Idrizi me anë të një postimi në Facebook, ka bërë të ditur se Kuvendi po ashtu ka ndarë shumën prej 5 mijë eurosh për familjen e heroit.

“Salla e Sporteve në Samadrexhë, nga sot do të mbajë me krenari emrin e heroit të Kosovës “Afrim Bunjaku”, kjo pasi me vota unanime është miratuar propozimi im në Kuvendin e Komunës së Vushtrrisë. Po ashtu, Kuvendi miratoi edhe propozimin tim për ndarjen e mjeteve në shumën prej 5,000 euro për familjen e Heroit Afrim Bunjaku.”, ka shkruar ai.

Edhe Qeveria e Kosovës u ka ndarë familjes së heroit, shumën prej 50 mijë eurosh nga buxheti i shtetit./Arbresh.info

 

 

Shpërndaje në rrjete sociale

Lajmet më të lexuara

Të ngjashme

Foto lajm