Zëvendëskryesuesi i Kuvendit Komunal në Mitrovicën e Veriut, Skënder Sadiku, tha në Edicionin Special në Klan Kosova se në këtë komunë prodhohen kriptovalutat.
Sadiku theksoi se njerëz nga vende të ndryshme marrin edhe objekte me qira për të zhvilluar aktivitetin e prodhimin të monedhave elektronike.
Ai shtoi se si pasojë e kësaj, shumë lagje të kësaj komune kanë pasur telashe me rrymën.
“Po, ka. Ka edhe objekte që janë marrë me qira. Ka njerëz që jetojnë në X vende dhe kanë marrë me qira, i paguajnë ndonjë fukaraje një shumë të caktuar të parave. Në atë fukarallëk kanë përfituar”.
“Po flas për komunën e Mitrovicës së Veriut, ku jam zgjedhur me vullnetin e 1 mijë e 23 qytetarëve. E vetmja lagje, e cila s’ka pasur probleme me rrymë ka qenë ‘Kodra e Minatorëve’, pasi janë pak banorë shqiptarë aty dhe nuk kanë mundësi financiare të pajisen me mjete për prodhimin e kriptovalutave. Kurse për këto lagjet e tjera: Lagjen e Boshnjakëve, dy Krojet e Vitakut, janë lagjet që kanë pasur telashe me rrymë”.
“Edhe tash kur po flasim, në Lagjen e Boshnjakëve ka familje që ka rrymë në vetëm një fazë”.
E me anë të një vendimi, ministrja e Ekonomisë, Artane Rizvanolli, e ka ndaluar aktivitetin e prodhimit të kriptovalutave.
Kjo për shkak të nevojës së kursimit të energjisë elektrike si pasojë e krizës për furnizim me rrymë që po mbizotëron në Kosovë.
Rama ndan momente nga vizita e Erdogan në Tiranë: Miku i mad...
Zgjedhjet presidenciale, Obama në fushatë për të mbështetur ...
Arda Guler nga Turqia i dërgon mesazh Carlo Ancelottit për m...
IKD-ja publikon raportin “Shteti neglizhon harmonizimin e pe...
Ulutash sot ia dorëzon komandën e KFOR-it Barduanit
Grupi Parlamentar i LVV-së thërret konferencë për media