Google ADS

Sa po i kushton buxhetit të Kosovës bojkoti i Listës Serbe

22:37 | 17 Mars 2017
M. A.

Më shumë se 40 mijë euro u janë paguar vetëm paga ministrave dhe këshilltarëve të tyre të Listës Serbe për 5 muajt e fundit, kohën kur ata nuk janë duke punuar fare.

Të dhënat janë bazuar në pagat që ministrat dhe këta zyrtarë i kanë deklaruar në Agjencinë Kundër Korrupsion, raporton KTV.

Më së shumti shpenzime në paga ka bërë Ministria e Kthimit dhe Komuniteteve, ku për 5 muaj, ministri Dalibor Jevtiq bashkë me 7 këshilltarë të tij, janë paguar 23 mijë e 165 euro vetëm pagën bazë.

Ministri Dalibor Jevtiq për këta 5 muaj ka marrë pagë, 4 mijë e 755 euro.

Ndërkohë, kolegu i tij Ljubomir Mariq për dy muaj sa ka qëndruar në këtë pozitë para shkarkimit është paguar 2 mijë e 148 euro.

Këto shpenzime nga taksat e qytetarëve të Kosovës, duket se nuk janë problematike për Qeverinë, zyrtarë të së cilës kanë thënë se do t’u japin kohë aq sa u duhet, për t’u kthyer në institucione e Kosovës.

Shpërndaje në rrjete sociale

Lajmet më të lexuara

Të ngjashme

Foto lajm