Rutte flet me Erdoganin për situatën e sigurisë në Kosovë

21:22 | 25 Nëntor 2024
E.H

Sekretari i Përgjithshëm i NATO-s, Mark Rutte, ka qëndruar për vizitë në Turqi, ku është pritur në takim nga presidenti turk, Recep Tayip Erdogan.

Ndër temat e diskutimit ka qenë edhe situata e sigurisë në Kosovë, transmeton Arbresh.info.

Sipas një njoftimi nga NATO, Rutte e ka përgëzuar Turqinë për përfundimin me sukses të Komandës së KFOR-it në Kosovë.

“Z. Rutte përgëzoi gjithashtu Turqinë për përfundimin me sukses të komandës së misionit paqeruajtës të NATO-s në Kosovë, KFOR, duke deklaruar se “kontributi juaj i vazhdueshëm me trupa është vendimtar në ruajtjen e një mjedisi të qetë dhe të sigurt për të gjithë në Kosovë”, thuhet në njoftimin.

Rutte udhëtoi drejt Turqisë pas një vizite që zhvilloi në Shtetet e Bashkuara të Amerikës, ku u takua me Presidentin e zgjedhur Donald Trump./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm