Zhvillimet e fundit në veri të Kosovës tregojnë se përmes Serbisë, Rusia po provon që ta destabilizojë jo vetëm Kosovën por tërë rajonin e Ballkanit.

Profesorë ndërkombëtarë thonë se duke i nxitur problemet që ekzistojnë në vendet e ish – Jugosllavisë, Rusia synon të përçajë unitetin e BE-së për luftën në Ukrainë.

Lufta në Ukrainë ka ndryshuar trendët politikëedhe në Ballkan. Raportet e publikuara nga organizata vendore e ndërkombëtare ndër vite flasin për ndikimin e Rusisë në politikat e vendeve të ish –Jugosllavisë, përmes Serbisë.

Në rastin e Kosovës këtë e ka ushtruar më sëshumti përmes dialogut Kosovë-Serbi, duke e provuar ta minimizojë rolin e BE si ndërmjetësues i dialogut. E në anën tjetër edhe Serbia ka kërkuar ndërmjetësimin e Rusisë nëkëtë dialog.

Trazirat e fundit në komunat veriore të Kosovës, kanë sjellë ndërmjetësuesit amerikanë dhe evropianë, për të bindur qeverinë e Kosovës, qëtë shtensionojë situatën atje, thonë profesorëtndërkombëtarë.

Profesoresha në Universitetin e Nju Jorkut, Anna Di Lellio, tha për Radio Kosovën se Rusia, përmes Serbisë, provon të nxisë situatatensionuese në Kosovë.

“Kjo është një situatë e re dhe më duhet ta them, që ka një luftë në Ukrainë dhe Rusia do të përdorë Kosovën dhe Ballkanin si “Kalin e Trojës”për ta destabilizuar Evropën. Pra kjo është mjaft delikate dhe çdo gabim mund të çojë drejt destabilizimit. BE-ja nuk ka nevojë për këtë, as BE-ja e as SHBA-ja, sepse ata janë të përfshirë në një luftë tëmadhe që po ndodh në Ukrainë”, ka thënë Di Lellio.

Stefano Bianchini, profesor i politikës dhe historisë së Evropës Lindore në Universitetin e Bolonjës, thotë për Radio Kosovën se Kosova ka lidhje të ngushtë më SHBA-në dhe mendonqë ndikimi rus është kufizues.

“Mendoj që Rusia po i shfrytëzon vetëm problemet e brendshme që janë në rajonin e Ballkanit për të krijuar tensione në rajon. Roli i Rusisë në këtë kontekst është margjinal, sepse është fakt i rëndësishëm që të gjitha vendet e Ballkanit, përjashtuar Serbinë dhe Bosnje Hercegovinën, janë anëtare të NATO-ës. Kosova nuk është anëtare e NATO-ës, por është e lidhur ngushtë me Shtetet e Bashkuara të Amerikës. Pra, kjo krijon kushte që Rusia të ketë rol shumë kufizues, ose periferik në rajon. Rusia mund të përkujdeset që t’i mbajë të ndezur tensionet që tashmë ekzistojnë në rajon, dhe origjina e të cilave thashë, është vetëm lokale”, ka thënë Bianchini.

Ndërsa ekspertë të sigurisë në vend kanëparalajmëruar së ndikimi i Rusisë në Kosovëvazhdimisht po rritet./rtk