Shtetet e Bashkuara të Amerikës në mënyrë të vazhdueshme janë duke përkrahur ushtrinë e Kosovës. Vetëm në ditët e fundit Forcës së Sigurisë së Kosovës i kanë mbërritur mjete të blinduara ushtarake të tipit ‘Humvee’.

Për një gjë të tillë sot ka reaguar Ministria e Punëve të Jashtme e Rusisë, duke thënë se Amerika po e furnizon hapur Kosovën me armatim dhe mjete ushtarake, gjë që sipas tyre dëmton përpjekjet për paqe dhe stabilitet në Ballkan.

#Zaytsev ?We have taken note, with regret and alarm, of information about #US deliveries of weapons and military equipment to #Pristina. The ??US is doing this openly, to the detriment of the international efforts to maintain peace and stability in the #Balkans. pic.twitter.com/VPNIB4pq7P

— MFA Russia ?? (@mfa_russia) July 30, 2020

“Ne kemi vërejtur, me shqetësim dhe alarm, informacionet rreth dërgimit të armëve dhe mjeteve ushtarake nga SHBA’të në Prishtinë. Amerika po e bën një gjë të tillë hapur, në dëm të përpjekjeve ndërkombëtare për të ruajtur paqen dhe stabilitetin në Ballkan”, ka thënë zëvendës drejtori i departamentit të informacionit në MPJ-në ruse, Alexey Zaytsev, raporton Gazeta Express.

Tutje ai ka thënë se synimi i Washingtonit është që të ndihmojë kosovarët që të krijojnë ushtrinë e tyre.

#Zaytsev ?#Washington’s goal is to help the Kosovars create their own “army” in gross violation of @UN Security Council Resolution 1244, which stipulates the dismantling of any #Kosovo armed units. pic.twitter.com/4FuQMsDwlU

— MFA Russia ?? (@mfa_russia) July 30, 2020

Sipas MPJ’së së Rusisë një gjë e tillë është shkelje e Rezolutës 1244 të Këshillit të Sigurimit që sipas tyre parasheh çarmatosjen e çdo njësie të armatosur në Kosovë.