Rrugët në Vushtrri janë të pastruara dhe të kalueshme

10:55 | 5 Janar 2025
E.G

Kryetari i Vushtrrisë, Ferit Idrizi përmes një postimi në Facebook ka njoftuar se rrugët e kësaj komune janë të pastruara nga bora dhe ngrica në këtë komunë, duke bashkangjitur dhe foto nga këto rrugë.

Idrizi ka thënë se rrugët janë të pastruara dhe të kalueshme nga bora.

“Pas reshjeve të borës, sot, bashkë me Drejtorin e Shërbimeve Publike, Benjamin Shala, kemi dalë në terren për të inspektuar gjendjen e rrugëve. Të gjitha rrugët po pastrohen dhe janë të kalueshme për qytetarët”, ka shkruar ai.

Ai ka theksuar se pastrimi ka përfshirë të gjitha zonat, duke filluar nga fshati Zhilivodë e çdo pjesë të Vushtrrisë.

“Ftoj të gjithë qytetarët të tregojnë kujdes të shtuar gjatë vozitjes!”, ka apeluar ai në fund të mesazhit.

Shpërndaje në rrjete sociale

Lajmet më të lexuara

Të ngjashme

Foto lajm