Rruga e rrezikshme drejt Morinës, 17 km me gropa dhe dëmtime sinjalistike

13:02 | 30 Prill 2018
Arbresh.info

Segmenti Kukës-Morinë vazhdon të mbetet pjesa më e rrezikshme e udhëtimit në Rrugën e Kombit. Përgjatë 17 km të saj, në pjesën më të madhe të urave, drejtuesit përballen me vështirësi dhe duhet më tepër vëmendje.

Gropa të hapura, rrëshqitje dheu në anë të rrugës, dëmtime të sinjalistikës, i mbrojtëseve metalike e mbi të gjitha devijimet që shfaqen papritur e që në kohë me mjegull, dëborë apo dhe gjatë qarkullimit natën janë të rrezikshme për drejtuesit e mjeteve.

“Ka mbetur përgjysmë, që prej disa vitesh, është një rrezik për të gjithë”, thotë një drejtues automjeti.

“Nata është shumë problem”, shprehet një tjetër drejtues automjeti.

Shqetësim tjetër për këtë segment është edhe mungesa e mbikalimeve dhe nënkalimeve si dhe vjedhja e rrjetave mbrojtëse. Aksidentet nuk janë të pakta në këtë aks, por asnjë person nuk është ndjekur penalisht deri tani për dëmtimin e rrugës./TopChannel

Shpërndaje në rrjete sociale

Lajmet më të lexuara

Të ngjashme

Foto lajm