Rritet numri i të prekurve nga kanceri

23:33 | 14 Korrik 2017
Arbresh.info

Klinika e Onkologjisë deri tani, sipas pacientëve, ka ofruar shërbime të mira për ta, sa i përket kujdesit mjekësor por edhe furnizimit me barnat e nevojshme për sëmundjet kancerogjene, shumica e të cilave kanë çmim të lartë.

Mirëpo sipas të dhënave të SHSKUK-së, këtë vit është rritur numri i këtyre sëmundjeve në vendin tonë për 30%, e kjo sipas drejtorit të SHKUK-së, Curr Gjocaj, tregon që edhe nevojat janë rritur për 30%, për shërbime meritore.

Gjocaj shprehet i shqetësuar sa i përket buxhetit të SHSKUK-së, duke thënë se vetëm për barna të listës esenciale duhen 30 milionë euro, ndërkohë që buxheti aktual është 15 milionë euro, gjë që pamundëson rritjen e cilësisë dhe shërbimeve të nevojshme, raporton rtk.

Gjocaj ka bërë të ditur se vetëm blerja e disa citostatikëve kushton 4.5 milionë euro, duke shtuar se ka edhe shumë terapi të tjera, sigurimi i të cilave merr një pjesë të madhe të buxhetit të SHSKUK-së.

Shpërndaje në rrjete sociale

Lajmet më të lexuara

Të ngjashme

Foto lajm