Rrëmbimi i tre policëve, Kurti raporton sot në Kuvend

15:19 | 15 Qershor 2023
K.B

Kryeministri i Kosovës, Albin Kurti do të raportojë sot në Kuvendin Kosovës për rrëmbimin e tre policëve nga forcat serbe, brenda territorit të vendit.

Pas kërkesës së opozitës që Kurti të raportojë në Kuvend, i njëjti i është përgjigjur pozitivisht që sot në orën 17:30 të raportojë para të zgjedhurve të popullit.

Këtë e bëri të ditur kryetari i Kuvendit, Glauk Konjufca, gjatë seancës së sotme plenare.

Krahas zhvillimeve të djeshme, opozita ka kërkuar që Kurti të tregojë edhe për raportet me aleatët dhe qëndrimet për sanksione ndaj Kosovës.

Kujtojmë se sot në mëngjes kryeministri Kurti bashkë më ministrin e Punëve të Brendshme, Xhelal Sveçla kanë mbajtur konferencë për media lidhur me këtë situatë./Arbresh.info/

Lexo edhe:

Kidnapimi i tre policëve, Kurti: Rasti i djeshëm, agresion – e kemi rritur nivelin e gatishmërisë

Shpërndaje në rrjete sociale

Lajmet më të lexuara

Të ngjashme

Foto lajm