Rrëmbehet një serb nga tetë persona në Ranillug, i mashtroi për viza e pasaporta të Serbisë

08:53 | 5 Tetor 2022
E.H

Janë arrestuar tetë persona në fshatin Crepan të Ranillugës sepse dyshohet se e kanë rrëmbyer një burrë me shtetësi serbe, raporton Policia e Kosovës.

Sipas Policisë, viktima i kishte mashtruar të dyshuarit duke u marrë para me premtimin se do ti rregulloj disa viza dhe pasaporta të Serbisë.

Me vendim të prokurorit tetë të dyshuarit për rrëmbim si dhe i dyshuari për mashtrim janë dërguar në mbajtje.

“Fsh. Crepan, Ranillug 04.10.2022 – 19:22. Janë arrestuar tetë të dyshuar meshkuj kosovarë nën dyshimin se të njëjtit në bashkë-veprim e kanë rrëmbyer viktimën mashkull shtetas të Serbisë për shkak se i njëjti i kishte mashtruar duke u marrë para me premtimin se do tu rregullojë disa viza dhe pasaporta të Serbisë. Me vendim të prokurorit tetë të dyshuarit për rrëmbim si dhe i dyshuari për mashtrim janë dërguar në mbajtje”, thuhet në raportin 24 orësh të Policisë së Kosovës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm