Tre persona kanë marrë trajtim mjekësor dhe pesë të tjerë janë shoqëruar në stacionin policor si pasojë e përfshirjes në një rrahje që ndodhi sot rreth orës 12:30 në sheshin “Nëna Terezë”.
Kështu ka bërë të ditur për Arbresh.info, zëdhënësi i Policisë së Kosovës për rajonin e Prishtinës, Agron Borovci.
“Rreth orës 12:30 është pranuar informata për një rrahje në mes të disa personave, të ndodhur në sheshin “Nëna Terezë” në Prishtinë. Policia ka dalë në vendin e ngjarjes, ka ndërmarrë veprimet e nevojshme dhe ka shoqëruar në stacionin policor pesë persona. Tre persona të lënduar kanë marrë trajtimin e nevojshëm mjekësor”, tha Borovci për Arbresh.info.
Aktualisht, sipas tij, po ndërmerren të gjitha veprimet e nevojshme operativo-policore me qëllim të zbardhjes së plotë të të gjitha rrethanave që karakterizojnë ngjarjen.
Ndryshe, ekipi i Arbresh.info ishte në vendin e ngjarjes kur kishte ndodhur rrahja dhe ka siguruar fotografi nga vendi i ngjarjes. /Arbresh.info/
LEXO EDHE
Rrahje në sheshin “Nëna Tereza”, një i arrestuar dhe një i lënduar
Ferrari prezanton makinën më të fuqishme të historisë së tij
Qëndrimi i Harrisit dhe i Trumpit për Kosovën, faktorë për v...
Cilat janë përfitimet e dushit të ftohtë?
Zëdhënësi i ushtrisë izraelite: Sinwar po përpiqej të arrati...
Edon Zhegrova, i pari me driblime në Champions League
Moska, sulm hibrid Shqipërisë?