Kryetari i Komisionit për Politikë të Jashtme të Bundestagut gjerman, Michael Roth e ka quajtur të pabalancuar deklaratën e  ambasadorit të SHBA-ve, Jeffrey Hovenier lidhur me ndalimin e dinarit serb.

Me anë të një postimi në “X”, Roth tha se në këtë deklatatë të SHBA-së do duhej të kishte mesazhe të qarta për sulmin terrorist serb në Banjskë, shkruan Arbresh.info.

“Një shembull tjetër për deklaratat e pabalancuara të SHBA-së (ose BE-së) për Kosovën. Më mungojnë mesazhe kaq të qarta në lidhje me agresionet serbe (sulm terrorist në Bajnska, rrëmbim apo shantazh) në rajon, e dashur @USAmbKosovo”, shkroi Roth.

Another example for unbalanced U. S. (or EU) statements about Kosovo.

I miss such clear messages regarding Serbian aggressions (Bajnska terror attack, kidnapping or blackmailing) in the region, dear @USAmbKosovo! https://t.co/rHsjdfz0zP

— Michael Roth – official 🇪🇺🇺🇦🇮🇱 (@MiRo_SPD) February 4, 2024

Ndryshe, ambasadori amerikan në Kosovë, Jeff Hovenier, ka thënë se Qeveria e SHBA-së është thellësisht e shqetësuar për veprimet e fundit të autoriteteve të Qeverisë së Kosovës për ndalimin e dinarit serb.

Kjo sipas tij, do të ketë një efekt të drejtpërdrejtë dhe negativ ndaj serbëve lokalë dhe komuniteteve tjera pakicë në Kosovë./Arbresh.info/

LEXO EDHE:

Hovenier thotë se veprimet e fundit të Kosovës po rrisin tensione etnike