Google ADS

Rohde pas takimit me Orav: Pres që bashkërisht ta sjellim Kosovën më afër Bashkimit Evropian

21:53 | 23 Shtator 2024
E.G

Shefi i Zyrës së BE-së në Kosovë, Aivo Orav është takuar sot Ambasadorin e Gjermanisë në Kosovë, Jorn Rohde dhe Ambasadorin e Shqipërisë në Kosovë, Petrit Malaj.

Me anë të një postimi në “X”, Orav ka thënë se ka pasur një shkëmbim të shkëlqyer pikëpamjesh me të dy ambasadorët, shkruan Arbresh.info.

“Pata një shkëmbim të shkëlqyer mendimesh me Ambasadorin e Gjermanisë Jörn Rohde dhe me Ambasadorin e Shqipërisë Petrit Malaj. Të premten, pata mundësinë të takoj Arnhild Spence, koordinator zhvillimi në UN në Kosovë. Mezi presim bashkëpunimin tonë në të ardhmen”, ka shkruar ai.

Ndërkohë, postimin e shefit të Zyrës së BE-së e ka shpërndarë Ambasadori gjerman Rohde.

“Faleminderit për vizitën tuaj sot Aivo Orav. Pres që bashkërisht ta sjellim Kosovën më afër Bashkimit Evropian!”, ka shkruar Rohde./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm