Google ADS

Rizvanolli njofton se Ibër-Lepenci e ka rifilluar furnizimin me ujë

10:40 | 1 Dhjetor 2024
E.H

Ministrja e Ekonomisë, Artane Rizvanolli ka njoftuar se të shtunën në mbrëmje ka filluar furnizimi me ujë në komunat e Mitrovicës së Jugut, Mitrovicës së Veriut dhe Zveçanit.

Me anë të një postimi në Facebook, Rizvanolli bëri të ditur se është lëshuar uji edhe për fabrikat në Drenas dhe Shkabaj si dhe për qytetarët në Skenderajt, ndërsa shumë shpejt pritet të normalizohet furnizimi dhe për qytetarët e Drenasit, Fushë Kosovës dhe Obiliqit, përcjell Arbresh.info.

Postimi i plotë:

Furnizimi me ujë për zonat e prekura nga sulmi terrorist në kanal të Ilbër Lepencit po kthehet në normalitet!

Mbrëmë në orët e vona ka filluar furnizimi me ujë në komunat e Mitrovicës së Jugut, Mitrovicës së Veriut dhe Zveçanit.

Sot, uji tashmë është lëshuar për në fabrikat e ujit të Drenasit dhe Shkabajt për trajtim dhe ka filluar furnizimi i rregullt i qytetarëve në Skenderaj. Brenda pak orësh pritet të normalizohet furznimi për qytetarët e Drenasit, Fushë Kosovës dhe Obiliqit!/Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm