Rishikimi i buxhetit 2017, rikthehen mjetet për sigurime shëndetësore

11:29 | 31 Tetor 2017
Arbresh.info

Kuvendi i Kosovës ka miratuar sot në tërësi, me 61 vota për, Projektligjin për plotësim-ndryshimin e Ligjit për Buxhetin e vitit 2017.

Me amandamentet e votuara janë rikthyer edhe mjetet e planifikuara për sigurimet shëndetësore, shkruan arbresh.info.

“Në tabelën 3.1, shtohet Nën-programi “Kontigjenca e Sigurimeve Shëndetësore”, me kod 28200, kategoria e pagave dhe mëditjeve dhe shuma prej 11,000,000 euro”, thuhet në amendamentin e miratuar.

Në leximin e parë mjetet e planifikuara për sigurimet shëndetësore ishin tërhequr për shkak se Qeveria ka konsideruar që nuk janë kryer të gjitha përgatitjet e nevojshme për sigurime shëndetësore.

Kjo ka shkaktuar debate dhe replika ndërmjet deputetëve të pozitës dhe opozitës në seancën e mbajtur javën e kaluar./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm