Riho Terras nga Estonia emërohet raportues për Kosovën në PE

16:43 | 18 Nëntor 2024
E.G

Eurodeputeti nga Estonia, Riho Terras, është emëruar zyrtarisht raportues për Kosovën në Parlamentin Evropian.

Në mandatin pesëvjeçar, ai do ta trashëgojë postin e Viola von Cramon. Terras është ish-ushtarak. Në cilësinë e eurodeputetit ka qenë gjithmonë i zëshëm kundër agresionit rus në Ukrainë. Riho Terras është i treti estonez në strukturat e reja të BE-së, që do të merret drejtpërsëdrejti me çështjen e Kosovës.

Ambasadori i BE-së në vend, Aivo Orav, i cili vjen nga i njëjti shtet, tashmë ka nisur angazhimin në Kosovë. Terras do të merret me Kosovën në Parlamentin Evropian, ndërsa ish-kryeministrja e Estonisë, Kaja Kallas, do jetë shefja e ardhshme e diplomacisë evropiane, e cila mes tjerash do të merret me dialogun për normalizimin e marrëdhënieve mes Kosovës dhe Serbisë./rtk

Shpërndaje në rrjete sociale

Lajmet më të lexuara

Të ngjashme

Foto lajm