Operatori publik mobil “Vala” ka dal me njoftim sa i përket rënies së shërbimeve të telefonisë mobile.

Në njoftimin për media thuhet se fajtor për këtë është vjetërsia e pajisjeve, që sipas tyre do të ndërrohen shumë shpejt.

Bëhet e ditur gjithashtu se ekipet teknike po punojnë që shumë shpejt t’i rikthejnë shërbimet.

“Sot në mëngjes, në orën 8:48 minuta, për arsye të vjetërsisë së pajisjeve, të cilat edhe ashtu sipas planit do të ndërrohen shumë shpejt, pati një rënie të përgjithshme të shërbimeve të telefonisë mobile në tërë vendin. Ekipet teknike po punojnë që shpejt ta sanojnë gjendjen dhe të rikthejnë shërbimet”, njofton “Vala”.

Tutje operatori” Vala” ka kërkuar mirëkuptim nga ana e konsumatorëve, duke shtuar se falë teknologjisë së fjalës së fundit që e kemi instaluar në disa pjesë të Kosovës dhe të cilën do ta instalojmë së shpejti në tërë vendin, kur të gjitha shërbimet të zhvendosen në platformat e reja.

“Duke ju kërkuar ndjesë konsumatorëve, për shqetësimin e arsyeshëm, ju njoftojmë se këto pajisje do të ndërrohen shumë shpejt dhe qytetarët do të kenë shërbime të nivelit evropian, falë teknologjisë së fjalës së fundit që e kemi instaluar në disa pjesë të Kosovës dhe të cilën do ta instalojmë së shpejti në tërë vendin, kur të gjitha shërbimet të zhvendosen në platformat e reja”, thuhet në njoftim./Arbresh.info/