Google ADS

Reagon Ministria e Punëve të Brendshme: Në aksidentin ku ishte e përfshirë vetura zyrtare, nuk ishte Ministri Mustafa

12:52 | 8 Janar 2019
Arbresh.info

Ministria e Punëve të Brendshme ka reaguar në lidhje me raportimet në media për aksidentin ku është e përfshirë edhe një veturë e Ministrisë së Punëve të Brendshme.

“Ministria e Punëve të Brendshme ju njofton se sot rreth orës 09:00 në një aksident trafiku në lagjen Arbëria në Prishtinë, njëra nga dy veturat e përfshira në aksident është e MPB-së. Në këtë veturë kanë qenë 4 zyrtarë të kabinetit të ministrit Mustafa”, thuhet në reagim.

Sipas njoftimit në veturë nuk ishte i përfshirë Ministri Mustafa.

“Ju njoftojmë që në veturën në fjalë nuk ka qenë ministri i Punëve të Brendshme, z.Ekrem Mustafa. Duke i falënderuar mediet për bashkëpunimin, kërkojmë nga to që në raste të tilla të merret edhe një konfirmim zyrtar nga Ministria e Punëve të Brendshme”, shkruan në njoftim./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm