Rasti “Spitali”: Beqiri i kundërpërgjigjet Ismailit

21:12 | 29 Maj 2019
Arbresh.info

Uran Ismaili ka shfajësuar kryetarin e PDK-së, Kadri Veseli, duke aluduar se aferën e fajdeve e filloi LDK, raporton T7

Me disa dokumente, Uran Ismaili tregonte për prejardhjen e aferës së fajdeve.

Sipas tij, i gjithë problemi ka filluar me vendimin për ndërtimin e spitalit privat në afërsi të QKUK-së.

E fajtor për këtë, nënkryetari i PDK-së e ka lënë, Ismet Beqirin atë kohë kryetar i Prishtinës nga radhët e LDK-së.

Më tutje Ismaili ka thënë që ky proces është ndërprerë me vendim të Agim Çekut.

Por, që sipas tij u riaktualizua me ardhjen në pushtet të LDK-së.

Ndërkaq, këto deklarata i ka hedhur poshtë vetë Ismet Beqiri.

Ai ka thënë se Partia Demokratike po mundohet të fshehë aferat.

Beqiri ka thënë më tutje se çdo vendim i marrë është konform ligjit.

Në aferën e fajdeve janë të përfshirë pronarët e spitalit privat dhe në mesin e tyre përmendet emri i Kryetarit të Partisë Demokratike të Kosovës, Kadri Veselit.

Shpërndaje në rrjete sociale

Lajmet më të lexuara

Të ngjashme

Foto lajm