Komuna e Prishtinës në bashkëpunim me Forcën e Sigurisë së Kosovës kanë organizuar sot një paradë për fëmijët për nderë të Ditës së Çlirimit të Prishtinës.
I pari i kryeqytetit, Përparim Rama edhe pse në shi, nuk mungoi në parakalimin e fëmijëve me ushtarët e FSK-së në sheshet e Prishtinës, përcjell Arbresh.info.
Përmes një postimi në rrjetin social Facebook, Rama tha se është frymëzuese për të kur sheh entuziazmin dhe gëzimin e fëmijëve teksa shtoi se ata janë shpresa jonë e së ardhmes.
Postimi i plotë i Ramës:
Sot, patëm nderin të organizojmë një paradë të veçantë për fëmijët, në bashkëpunim me Forcat e Sigurisë së Kosovës (FSK), dhe dua të ndaj me ju emocionin dhe krenarinë time për këtë ngjarje të mrekullueshme.
Është gjithmonë frymëzuese të shoh entuziazmin dhe gëzimin e fëmijëve, sepse ata janë shpresa jonë e së ardhmes, dhe dua të theksoj se as shiu nuk na ndaloi të bëhemi një komunitet i bashkuar dhe të krijojmë kujtime të paharrueshme.
Unë dhe Ministri i Mbrojtjes, zoti Armend Mehaj, i pritëm me kënaqësi fëmijët në sheshin “Skënderbeu”, dhe bashkë e përfunduam paradën me energji dhe entuziazëm.
Analistët në Serbi: Administrata e Trumpit, më aktive në dia...
Faulli i pamatur i Matthijs De Ligt ndaj Schade e la yllin e...
Arrestohen dy persona për vjedhje të rëndë të një veture në ...
Ministri Vengu: Po e rijetësojmë industrinë ushtarake – në k...
“Mati 1” e “Bregu i Diellit” pa ujë shkaku i problemeve tekn...
Gjysma e amerikanëve drejt kutive të votimit/ Sondazhet komb...