Kryetari i Komunës së Prishtinës, Përparim Rama ka pritur sot në takim kirurgët nga vende të ndryshme të botës, për t’i falënderuar për punën e tyre të palodhshme dhe përkushtimin gjatë Kongresit të IV të Kolegjit të Kirurgëve në Prishtinë.
Rama falënderoi në veçanti profesor Rifat Latifin i cili, siç tha ai, ka sjellë në Kosovë ekspertë të nivelit të lartë, shkruan Arbresh.info.
“Theksova përkushtimin tonë për zhvillimin e shëndetësisë në kryeqytet, me fokus në rritjen e cilësisë së shërbimeve.”, ka shkruar Rama.
“Me profesor Latifin, riafirmuam bashkëpunimin përmes Memorandumit të Mirëkuptimit, që synon përmirësimin e sistemit shëndetësor në vend.”, shtoi i pari i Prishtinës.
Ai u shpreh se pjesëmarrja e këtyre profesionistëve të shquar në Prishtinë ishte nder.
“Pjesëmarrja e këtyre profesionistëve të shquar në Prishtinë është një nder i madh për ne dhe tregon rëndësinë që vendi ynë ka fituar si një qendër për zhvillimin e mjekësisë dhe shkëmbimin e njohurive ndërkombëtare.”, përfundoi Rama./Arbresh.info/
Duda Balje thotë se mbrëmë u rrah një 20-vjeçar nga një roje...
Sulmet ajrore amerikane në Siri vrasin 37 militantë të lidhu...
Osmani takoi Kardinalin e Vatikanit, theksoi rëndësinë e njo...
Të paktën 64 vetë humbin jetën, miliona pa energji elektrike...
Rumania përballet me rrezikun e përmbytjeve
Murati: Depozitat e ekonomive familjare janë shtuar për 1.51...