Rama i reagon “gëzimit” të Edita Tahirit për Cakajn

16:39 | 10 Janar 2019
Arbresh.info

Kryeministri i Shqipërisë, Edi Rama i ka reaguar “gëzimit” të ish-ministres kosovare për Dialog, Edita Tahiri për mos dekretimin e Gent Cakajt si ministër të Punëve të Jashtme nga ana e presidentit shqiptar, Ilir Meta.

Ai i është përgjigjur asaj duke thënë se ajo është bashkuar me ‘qyqarë’ në kundërshtimin e emërimit të Cakajt.

“Ah edhe Edita Tahiri, bashkuar me ca qyqarë që salutojnë vendimin e vizionarit IM! Ah çfarë llumi mllefi e terri që “vizionarët”e kësaj kategorie e jashtëqesin si lumë dashurie për kombin! Genti e dashur Edita i meriton sulmet tuaja aq sa këta “vizionarë” emrin njeri! Po ti xhan?”, ka shkruar Rama.

Ndryshe sot, presidenti i Shqipërisë, Ilir Meta nuk e ka dekretuar Gent Cakajn si ministër të Punëve të Jashtme të Shqipërisë, për shkak të deklaratave të tij pro korrigjimit të kufijve.

Shpërndaje në rrjete sociale

Lajmet më të lexuara

Të ngjashme

Foto lajm