Rama: 5000 shërbime laboratorike janë kryer për 2 muaj në Qendrën e Mjekësisë Familjare në Bardhosh

11:36 | 27 Janar 2024
K.B

Kryetari i Prishtinës, Përparim Rama njofton se mbi 5000 shërbime laboratorike janë kryer për 2 muaj në Qendrën e Mjekësisë Familjare në fshatin Bardhosh.

Rama thotë se nga nëntori i 2023-ës, ka ndikuar që banorët e Bardhoshit të marin shërbime shëndetësore efikase.

“Mbi 5000 shërbime laboratorike janë kryer për 2 muaj në Qendrën e Mjekësisë Familjare në fshatin Bardhosh. Pajisja e kësaj QMF-je me laborator dhe zgjatja e orarit të punës për 12 orë, që nga nëntori i 2023-ës, ka ndikuar që banorët e Bardhoshit të marrin shërbime shëndetësore efikase dhe të kursejnë kohën e tyre, pa pasur nevojë të vinë në Qendrat e Mjekësisë Familjare brenda qytetit”, shkruan Rama.

Ai ka falënderuar stafin mjekësor.

“Falënderoj stafin mjekësor të cilët me përkushtim punojnë në këtë qendër me qëllim që qytetarët tanë të marrin shërbimet si duhet”, shkruan ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm