Google ADS

Qytetari nga Kaçaniku i dorëzon në polici paratë e gjetura, policia kërkon pronarin

15:22 | 29 Shkurt 2024
E.G

Një qytetar nga Kaçaniku ka bërë një gjest të mirë pasi që i njëjti gjeti një shumë të caktuar të parave dhe të njëjtat i ka dorëzuar në polici.

Sipas policisë, rasti ka ndodhur dje rreth orës 16:30, shkruan Arbresh.info.

“Me datën 28.02.2024 rreth orës 16:30 qytetari E.Dema nga Kaçaniku, i moshës 29 vjeçar, në rrugën ‘’Ismail Raka ‘’ në Kaçanik i ka gjetur një shumë të caktuar të parave dhe i ka dorëzuar në stacionin e policisë në Kaçanik .”, thuhet në njoftimin e policisë.

Më tej, policia në komunikatën për media ka lutur pronarin e parave që të paraqitet në stacionin e policisë në Kaçanik, çdo ditë nga ora 08:00-16:00 dhe të vërtetohet pronësia, në mënyrë që ti dorëzohen më pas.

“Me këtë rast policia rajonale e Ferizajt e ka falënderuar qytetarin E. Dema për gjestin human dhe shembullor me rastin e dorëzimit të parave në stacionin e policisë .”, thuhet mes të tjerash në njoftim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm