Google ADS

Qosja përfshihet në debatin për arkivat: Sa të rëndësishëm e sa të rrezikshëm janë!

13:55 | 15 Shtator 2021
Përparim Bublaku

Shkrimtari i njohur Rexhep Qosja, është përfshirë në debatin për hapjen e arkivave të Kosovës dhe Serbisë në kuadër të dialogut.

Ai ka ndarë pjesë nga romani “Të fshehtat e treguara” të shkruar në vitin 2020.

Postimi i plotë:
“Eh, arkivat! Sa të rëndësishëm e sa të rrezikshëm janë!
Arkivat janë magazinat e lavdive!
Arkivat janë bodrumet e prishësive!
Arkivat janë përcaktues të mendimeve të historisë!
Arkivat janë bibliotekat e historisë!
Arkivat janë enciklopeditë e historisë!
Arkivistët janë prokurorët e heshtur të historisë!
Arkivistët janë gjykatësit e heshtur të historisë!
Arkivistët janë dëshmorët e historisë!
Arkivistët janë heronjtë e historisë!
Qe, sa mirë, unë si përkthyes arkivist jam edhe dëshmor, edhe hero i historisë! Nuk jam ende, por duhet të bëhem edhe dëshmor, edhe hero i historisë!
Por, a mund të jenë arkivistët edhe mëkatarët e historisë, edhe komprometuesit e historisë?”
Nga romani “Të fshehtat e treguara” 2020./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm