KRU ‘Hidrodrini’, Njësia Operative – Deçan nëpërmjet një njoftimi në Facebook ka apeluar për qytetarët e Deçanit, të cilët furnizohen me ujë nga kjo kompani, që ujin të mos e konsumojnë për pije, shkruan arbresh.info.
Ky apel vjen si shkak i shumë ankesave për helmim, i cili dyshohet se mund të jetë shkaktuar nga cilësia e dobët e ujit të pijshëm.
Ky apel i kompanisë mbetet në fuqi derisa të ndërmerren hapat e duhur në zbardhjen e rastit./arbresh.info/
Postimi:
“NJOFTIM ME RËNDËSI
KRU ‘Hidrodrini’ – Njësia Operative – Deçan
Pas disa shqetësimeve të shprehura sot të konsumatorëve të fshatrave Prejlep, Rastovicë, Irzniq, Gllogjan, Shaptej, Gramaqel, Baballoq, Ratishë dhe Jasiq i ri, mbi dyshime për helmim shëndetësorë, APELON tek konsumatorët e fshatrave të sipërshënuar që UJIN mos ta konsujnë për pije, deri në një njoftim të radhës.
Pas shfaqjes së dyshimeve të para, të pavërtetuara deri më tash, KRU ‘Hidrodrini’-Njësia Operative – Deçan, në koordinim edhe me autoritetet komunale, ka marrë të gjitha masat urgjente duke hulumtuar shkaqet e mundshme.
Njoftojmë se deri në këtë çast, nuk ka asnjë bazë të vërtetuar se shqetësimet në fjalë mund të kenë ardhur /ose/ mos ardhur, si pasojë e ujit. Andaj, deri në kthimin e analizës së Ujit nga ana e IKSHPK-së, ky APEL mbetet në fuqi.
Me respekt;
Zyra për Media e KRU ‘Hidrodrini’-Pejë”
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...