Qeveria vendos të kompensoj fermerët e dëmtuar nga breshëri, nuk tregon shumën

14:30 | 24 Korrik 2018
Arbresh.info

Qeveria e Kosovës ka vendosur në mbledhjen e sotme që të ndajë mjete financiare për kompensimin e dëmeve të shkaktuara nga breshri në bujqësi, në komunat e Kosovës.

Kryeministri Ramush Haradinaj tha se nëse subvencionet ndahen menjëherë ata do të mund të marrin masa të shpejta, raporton arbresh.info.

Ai po ashtu kërkoi krijimin e një fondi për vitin e ardhshëm për këtë qëllim dhe të një grupi të posqaëm që do të përgatit fondin dhe rregullimin  e sigurimeve.

“Si qeveri ne duhet të gjejmë një mënyrë për kompensim, jo ndoshta kompensim i plotë por për kompensim të dëmeve të shkaktuara këtë vit”, ka thënë Haradinaj.

Ministri i Financave, Bedri Hamza tha se këto çështje nuk duhet të trajtohet vetëm kur njerëzit përballen me vështirësi por mbi bazën e preventivës.

“Do të mbrojmë punën dhe djersën e fermërëve”, tha Hamza.

Sipas Ministrisë së Bujqësisë vetëm komunat Drenasi, Rahoveci, Ferizaji dhe Lipjani kanë kërkuar kompensim në vlerë prej 6,7 milionë euro./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm