Qeveria mban mbledhje elektronike, miraton vendimin që t’i kërkon presidentes autorizim që Kosova të marrë borxh te gjermanët

22:10 | 6 Tetor 2023
K.B

Qeveria e Kosovës ka mbajtur sonte mbledhje elektronike, në të cilën ka marrë dy vendime të rëndësishme.

Në komunikatën për media nga zyra e kryeministrit bëhet e ditur se vendimi i parë ka të bëjë me nënshkrimin e Marrëveshjes së Kredisë për projektin “Programi i Energjisë Solare I”.

Ndërsa vendimi i dytë parasheh ndarjen e tre milionë eurove shtesë për projektin “Rehabilitimi i Rrugëve Rajonale”.

“Miratuar vendimin për të kërkuar nga Presidentja e Republikës së Kosovës dhënien e autorizimit, Ministrit të Financave, Punës dhe Transfereve për nënshkrimin e Marrëveshjes së Kredisë ndërmjet Republikës së Kosovës e përfaqësuar nga Ministria e Financave, Punës dhe Transfereve, Korporata Energjetike e Kosovës (KEK) Sh.A. dhe KfË, Frankfurt am Main, për Projektin “Programi i Energjisë Solare I (Solar4Kosovo I) – Fotovoltaike”.-Ndarë 3 milionë euro shtesë për Projektin “Rehabilitimi i Rrugëve Rajonale”, njofton zyra e kryeministrit./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm