Qeveria e Kosovës përmes një komunikate për media e dërguar nga Ministria e Administrimit të Pushtetit lokal, ka thënë se ka pasur mungesë të dokumenteve esenciale në aplikim.

“Nisur nga fakti se institucionet lokale janë konstatuar me vonesë për shkak të procesit zgjedhor, MAPL në fillim të këtij viti ju ka mundësuar të gjitha komunave, përfshirë këtu edhe Prishtinën, shpalljen e listës së pronave që do të jepnin në shfrytëzim deri me 31 mars 2022. Në anën tjetër, vendimi për dhënien në shfrytëzim të pronës komunale për ‘The Sunny Hill’, me procedurat e negocimit të Kryetarit të Komunës, është aprovuar nga Kuvendi i Komunës së Prishtinës me 10.05.2022, ndërsa për shqyrtim të ligjshmërisë në Ministri është pranuar me datë 16.05.2022. Anipse lënda nuk ka qenë e kompletuar, duke vlerësuar edhe rëndësinë e një veprimtarie të tillë, MAPL në përputhje me kompetencat sipas Ligjit për Vetëqeverisje Lokale për shqyrtimin administrativ të akteve të komunave ka kërkuar sqarime shtesë në lidhje me vendimin e Komunës së Prishtinës me theks të veçantë për kohëzgjatjen e dhënies në shfrytëzim dhe pjesën e parcelës prej 17 hektarësh, sa ishte kërkuar në shfrytëzim, një pjesë e së cilës ka statusin e tokës bujqësore. Përveç kësaj lënda kishte disa dokumente esenciale që mungonin në aplikacion për të cilat kërkuam po ashtu sqarime shtesë: a) Projekti i paraqitur nga investitori dhe plani dinamik i realizimit të investimit; b) qarkullimin bankar për vitin paraprak, ashtu siç është paraparë me nenin 23 të Rregullorës (qrk) nr. 09/2020 për përcaktimin e procedurave të dhënies në shfrytëzim dhe këmbimin e pronës së paluajtshme të komunës”, thuhet në njoftim, përcjell arbresh.info.

MAPL-ja ka thënë poashtu se për vendimin e Komunës së Prishtinës që t’i jepet një pronë ne Bërnicë tëPostumë për shfrytëzim deri në 99 vjet, ka pasur reagime të ndryshme nga shoqëria civile.

“Megjithatë ne kemi qenë dhe vazhdojmë të jemi të përkushtuar të trajtojmë me interes dhe seriozitet aktin në fjalë. Aktualisht Ministria jonë është në pritje të përgjigjes në pyetjet që i kemi dërguar Kryetarit të Komunës së Prishtinës, z. Përparim Rama. Duke e ditur rëndësinë e një cilitdo investim madhor dhe nevojës për projekte serioze dhe gjithnjë përmes procedurave siç parashohin ligjet dhe rregulloret, por edhe në përputhje me interesin dhe mënyrën e shfrytëzimit të pronës publike ju njoftojmë se jemi në proces të shqyrtimit të këtij akti dhe se nuk bëhet fjalë për anulim nga ana e ministrisë”, thuhet në reagim.

ministria në fjalë, ka thënë se ende po e shqyrton mundëson aktin dhe ende nuk është vendosur për anulim të festivalit, “Sunny Hill” me organizator dhe udhëheqës, Dukagjin Lipa, kanë njoftuar që festivali është zhvendosur në Tiranë. / arbresh.info/