Edhe Qeveria e Kosovës ka qenë e shpejtë në njoftimin se anëtarësimi i Kosovës në Interpol, ka dështuar.
Qeveria ka shprehur zhgënjimin e saj të thellë që Kosovës i është pamundësuar të jetë pjesë e familjes botërore të Policisë, që lufton krimin transnacional.
“Fushata e egër e Republikës së Serbisë dëshmoi edhe njëherë karakterin e saj kundër Kosovës dhe kundër idesë për normalizim të raporteve me Republikën e Kosovës, aq më parë, kur ky anëtarësim ishte teknik dhe jo politik”, thuhet në njoftimin e Qeverisë.
“Votimi kundër pranimit të Kosovës në këtë organizatë ndërkombëtare i bën shërbim vetëm krimit dhe kriminelëve dhe askush nuk do të duhej t’i gëzohej këtij fakti”, thekson më tej Qeveria.
Kosova nuk merr votat e nevojshme për anëtarësim në INTERPOL
Qeveria e Republikës së Kosovës falënderon të gjitha shtetet që votuan për, si dhe të gjithë ata që u përpoqën ta ndihmojnë Kosovën në këtë proces të rëndësishëm.
“Kosova do të vazhdojë konsolidimin e institucioneve të saj dhe në një të ardhme shumë të afërt do të jetë edhe anëtare e plotë e Interpol-it”, përfundon njoftimi i Qeverisë së Kosovës./arbresh.info/
Vëllaznimi ka shënuar fitore të madhe në kryeqytet ndaj Siga...
Ja pse çiftet e lumtura nuk e bëjnë publike marrëdhënien e t...
Pse je kaq e zbehtë?
Progres-raporti për Serbinë: Beogradi nuk ka avancuar në neg...
Rebelët Houthi sulmojnë 3 anije në Detin e Kuq dhe Arabik
Vini pasi nuk e fitoi Topin e Artë: Do ta bëj edhe 10 herë t...