Qeveria e RMV-së miratoi propozimin për shkurtimin e periudhës së izolimit nga 10 në 7 ditë

09:43 | 25 Janar 2022
A. B.

Qeveria e Maqedonisë së Veriut informon se mbrëmë (24 janar 2022), Shtabi kryesor koordinues i krizës e mbajti mbledhjen e dytë, ku ministri i Shëndetësisë Bekim Sali e prezantoi gjendjen aktuale me pandeminë e shkaktuar nga COVID-19.

Nga Qeveria thonë se në mbledhje u diskutua dhe u miratua rekomandimi për të shkurtuar periudhën e izolimit pas testit PCR pozeitiv prej 10 në 7 ditë.

“Rekomandimi është në bazë të propozimit të Komisionit për Sëmundje Ngjitëse, për shkak të fotografisë më të lehtë klinike shkaktuar nga lloji omikron”.

“Rekomandimi është dorëzuar deri te Qeveria e Republikës së Maqedonisë së Veriut dhe duhet të diskutohet në mbledhjen e ardhshme të Qeverisë”, thonë nga Qeveria./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm