Qeveria e Republikës së Kosovës ka përmbyllur të premten me sukses Ankandin e 100-të me radhë të Letrave me Vlerë (KV004-17), ku u ofertuan Obligacione Thesari me maturitet 5-vjeçar në vlerë nominale 20 milionë euro, ndërsa shuma e ngritur do të shërbejë për ri financimin e Obligacioneve të emetuara 2 vite më parë.
Në këtë ankand, tregu shfaqi interesim për blerje të letrave me vlerë në vlerë 44.62 milionë euro, kurse u pranua vetëm shuma e shpallur paraprakisht e që është 20 milionë euro.
Emetimi i Obligacioneve Qeveritare ndikon në mënyrë të drejtpërdrejtë në zhvillimin e tregut të brendshëm të huamarrjes shtetërore në njërën anë, si dhe në anën tjetër ndikon në krijimin e një ambienti të përshtatshëm për zhvillim ekonomik nga sektori real.
Normat e ulëta nënkuptojnë konkurrencë për investim në letrat me vlerë të Qeverisë së Kosovës si rezultat i besueshmërisë së lartë në qëndrueshmërinë fiskale të vendit. Kjo nënkupton kosto më të lirë të huamarrjes, gjë e cila ndikon drejtpërdrejtë në koston e investimeve në projekte zhvillimore.
Blerësit sipas kategorive të obligacioneve Qeveritare të Ankandit KV004-17 janë, vetëm bankat në vlerë 19.99 milionë euro, thuhet në komunikatën për media.
Shtetet tjera solidarizohen me Turqinë, shprehin ngushëllime...
Konjufca takon përfaqësuesit e Eurochambers, flasin për mëny...
Kurti shkruan për 12 vendimet që i mori Qeveria sot
Nga Muller te Lewandowski e Neyer – 25 lojtarët më të mirë t...
Putin përballet me thirrje për ‘paqe’ në samitin e grupit ek...
Aksident në Hajvali, lëndohet një person