Qeveria e Kosovës, të hënën do ta mbajë mbledhjen e radhës. Ajo është thirrur për orën 10:00. Në rend të ditës është futur edhe demarkacioni i kufirit mes Kosovës dhe Malit të Zi. Express ka siguruar rendin e ditës të kësaj mbledhje.
Qeveria e Kosovës, që drejtohet nga Isa Musfata, të hënën do të diskutojë demarkacionin mes Kosovës dhe Malit të Zi. Gazeta Express ka siguruar komplet rendin e ditës, ku aty shihet se në të figuron edhe demarkacioni.
Rendi i ditës:
1. Hapja e mbledhjes (Kryeministri)
2. Shqyrtimi i Projektligjit për Ratifikimin e Marrëveshjes për Kufirin Shtetëror ndërmjet Republikës së Kosovës dhe Malit të Zi (MPJ)
3. Shqyrtimi i Projektligjit për Ratifikimin e Marrëveshjes Financiare IPA 2016 ndërmjet Kosovës dhe Bashkimit Evropian
4. Shqyrtimi i Projektligjit për Standardizim
5. Shqyrtimi i Draftit të koncept-dokumentit për qasje në dokumente publike
6. Shqyrtimi i Projekt-rregullores për Organizimin e Brendshëm dhe Sistematizimin e Vendeve të Pronës në Agjencinë për Barazi Gjinore
7. Shqyrtimi i Propozim-vendimit për ndryshimin dhe plotësimin e Vendimit të Qeverisë nr. 10/104 të datës 10.04.2016 për emërimin e Komisionit për Kompensimin e Viktimave të Krimit
8. Të ndryshme
Kurse, gjatë ditës është bërë e ditur se kryeministri Isa Mustafa ka marrë vendim që Demarkacioni të procedohet të hënën në Kuvend për votim. Vendimi erdhi pak orë pasi kryesia e Kuvendit ka caktuar të mërkurën ditën për votimin e mocionit për rrëzimin e Qeverisë Mustafa.
Procedimin e Demarkacionit në Kuvend zyra e kryeministrit e ka bërë ditur se ka ardhur pas një bisede telefonike të kryeministrit Mustafa me zëvendës ndihmës sekretarin amerikan Hoyt Yee.
Kurti viziton sot DOKU.TECH
Franca me ndihmë për Libanin në vlerë prej 100 milionë euros...
Sot mbahet seanca për fjalën përfundimtare ndaj Bedri Krasni...
Kosova ngritet për tri pozicione në ranglistën e FIFA-s
Punëtorët e KEK-ut kërcënojnë: Nëse nuk plotësohen kërkesat ...
Mbrojtësi i viktimave kërkon ta marrë në pyetje Ibishin: Ka ...