Që nga viti 2007 e deri më tani, nga burgjet e Kosovës janë arratisur – ose nuk janë kthyer pasi kanë shfrytëzuar të drejtën e kalimit të fundjavës jashtë burgut – 56 persona.
Kështu bëri të ditur drejtori i Përgjithshëm i Shërbimit Korrektues të Kosovës (SHKK), Ismail Dibrani, gjatë një konference për media më 13 korrik.
Konferenca u mbajt pas ditëve të fundit janë arratisur dy persona nga burgjet: Faton Hajrizi dhe Ujkan Metaj.
Sipas Dibranit, Hajrizi dhe Metaj kanë pasur të drejtë të kalojnë fundjavën në shtëpi dhe ata e kanë shfrytëzuar këtë gjë, duke mos u kthyer në institucionin korrektues.
Dibrani tha se Hajrizi është i dënuar me 25 vjet burgim, por në vitin 2019 ai ka përfunduar gjysmë e dënimit dhe me ligjet në fuqi, ai ka të drejtë që fundjavat t’i kalojë në shtëpi.
“I njëjti për disa herë ka shfrytëzuar këtë mundësi, pra e ka kaluar fundjavën në shtëpi, por është rikthyer në burg”, tha Dibrani.
Hajrizi kishte qenë i burgosur në Dubravë, në institucion ë tipit të hapur, që nënkupton se aty ka vendpunime, ku të burgosurve u mundësohet të punojnë pa mbikëqyrjen e stafit. Ai, sipas Dibranit, kishte shftytëzuar katër herë të drejtën për të vizituar familjen për shkak të sjelljes së mirë, që i ka mundësuar të kalonte në institucion të tipit të hapur.
Drejtori i Shërbimit Korrektues foli edhe për të arratisurin tjetër, Ujkan Mataj, i dënuar me 11 burgim për ndihmë në grabitjen e një banke në Istog.
Ai sipas Dibranit kishte fituar të drejtën e kalimit të fundjavës në shtëpi janarin e këtij viti. Ai po ashtu kishte qenë i vendosur në institucion të tipit të hapur.
Ndërkaq, zëvendësministri i Drejtësisë, Blerim Sallahu, gjatë konferencës për media tha se sapo të kapen dy të arratisurit ata do të humbasin të gjitha privilegjet që kishin pasur, pra do të kthehen në institucionin e tipit të mbyllur të Shërbimit Korrektues të Kosovës.
Në Kosovë janë 11 qendra të Shërbimit Korrektues, që përfshijnë qendra të paraburgimit, korrektuese dhe burg të sigurisë së lartë./REL/
SHKK mban konferencë për media lidhur me arratisjet e fundit nga burgu
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite