Qalaj thotë se u shkarkua nga Hoti si hakmarrje për arrestimin e nënkryetarit të LDK-së

23:32 | 21 Janar 2021
L G

Anëtari më i ri i Partisë Demokratike të Kosovës, Rashit Qalaj, ka treguar arsye pse u shkarkua nga posti i drejtorit të Policisë.

Ai ka thënë se lirimi i tij nga detyra ka ndodhur për shkak të arrestimit të nënkryetarit të Lidhjes Demokratike të Kosovës, Haki Rugova, dhe asgjë tjetër.

“Lirimi nga detyra ka ndodhur për shkak të rastit të njohur të kryetarit të Istogut dhe nuk ka asgjë tjetër”, ka thënë Qalaj në emisionin “Pressing” në T7.

Madje, sipas tij, edhe në raportin ku theksohen arsyet, nuk ka asgjë në të, pasi asnjëherë nuk kishte diskutuar me Ministrin e Punëve të Brendshme, Agim Veliu, nëse ai kishte mangësi në kryerjen e detyrës së drejtorit të Policisë.

“Është deklarim i tyre, normalisht është dashur të shkruhet një raport, i cili nuk ka asgjë, sepse nuk kemi diskutuar asnjëherë asgjë me tshmë ministrin në detyrë të Punëve të Brendshme, për ndonjë mangësi në Policinë e Kosovës. Madje, Policia është lavdëruar”, ka shtuar me tutje Qalaj.

Shpërndaje në rrjete sociale

Lajmet më të lexuara

Të ngjashme

Foto lajm