Qalaj: Do ta rris transparencën dhe integritetin në polici

08:33 | 7 Shtator 2018
M. A.

Drejtori i përgjithshëm i Policisë së Kosovës, Rashit Qalaj, në një intervistë dhënë për gazetën “Epoka e re”, ka treguar për objektivat e mandatit të tij në krye të këtij institucioni.

Ai ka thënë se një nga objektivat kryesore do të jetë rritja e transparencës në polici në të gjitha fushat.

Qalaj është zotuar se do të punojë edhe për rritjen e integritetit të policisë. Sipas tij, ky institucion ka nevojë për reformë të strukturës organizative, reformim të administratës dhe decentralizim të personelit.

Qalaj ka bërë me dije se sfidë mbeten sigurimi shëndetësor për zyrtarët policorë dhe mosha mjaft e vjetër e policëve.

Për të dyja këto sfida ai pret ndihmën e Qeverisë. Duke folur për anëtarësimin në Interpol, ai ka thënë se gjasat janë të mëdha që të bëhen pjesë e këtij institucioni.

Qalaj në këtë intervistë ka folur edhe për akuzat që janë bërë nga opozita për emërimin e tij në këtë pozitë.

Shpërndaje në rrjete sociale

Lajmet më të lexuara

Të ngjashme

Foto lajm