Google ADS

Pyjet e Lybeniqit kaplohen nga zjarret, Musliu-Shoshi bën thirrje urgjente për shuarjen e tyre

13:36 | 7 Nëntor 2024
E.H

Deputetja e PDK-së, Ariana Musliu – Shoshi ka bërë të ditur se një zjarr ka kapluar pyjet e Lybeniqit në Pejë dhe siç thekson ajo, është tejet shqetësuese.

Me anë të një postimi në Facebook, Musliu – Shoshi ka publikuar pamje nga vendi i ngjarjes ndërsa potencoi se banorët janë duke u përpjekur ta shuajnë zjarrin , përcjell Arbresh.info.

“Tejet shqetësuese zjarri që ka kapluar pyjet e Lybeniqit. Banorët janë duke u përpjekur të shuajnë zjarrin me mjete të thjeshta, jo adekuate, ndërsa flakët dhe tymi janë të përhapura në gjithë zonën pyjore. Situata është mjaft e vështirë dhe sfiduese për ata që po punojnë për të kontrolluar zjarrin dhe për të parandaluar përhapjen e tij më tej”, ka shkruar deputetja e PDK-së.

Ajo u ka bërë thirrje institucioneve komunale dhe qendrore që të reagojnë me urgjencë sipas përgjegjësisë që kanë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm