Rrjeti i marketeve “Viva Fresh Store”, nuk po e merr aq seriozisht epideminë që e ka kapluar të gjithë botën të virusit Covid-19 apo ndryshe epidemia koronavirus.

Disa punëtor të këtij marketi për arbresh.info, kanë thënë se nuk po merret parasysh asgjë, dhe se janë të rrezikuar shumë, për shkak se ka raste që ndonjëherë punojnë me orar të tejzgjatur.

Njëri nga ata tha se nuk po na respektohet as orari javor i pushimit për shkak se duhet të punojnë, e jemi të rrezikuar sepse kemi kontakte me njerëz, edhe pse ne punojmë me doreza.

“Pushimin që e kemi pas 2 ditë të javës, nuk po mujmë me marr, e sidomos prej të mërkurës po punojmë shumë, e ata punëtorë që kanë pas pushim të hanën edhe të martën, e kanë kry e këta që janë prej të mërkurës s’po mujnë me pushu se duhet me punu, edhe pse na me dorëza po punojmë”, ka thënë njëri nga punëtorët.

Ndërsa, punëtori tjetër thotë se, 7 ditë të javës e kanë obligim të punojmë.

“Na punojmë 7 ditë të javës, nuk pushojmë orarin e kem 8 orë, e kanihere nashti ma shumë, se tash po ka konsumator po vijnë e po furnizohen, e na jemi të rrezikum shumë”, ka thënë ky person.

Një tjetër tha se udhëton çdo ditë për në punë, dhe se rrezikshmëria është e lartë.

“Unë udhëtoj për çdo ditë për punë, e mo s’di as me çka udhëtoj, se jemi shumë të rrezikum kush do që udhëton”, ka thënë punëtori i këtij marketi.

Bëjmë të ditur se sot janë shënuar dy rastet e para me koronavirus në Kosovë, njëri 77 vjeçar me shtetësi kosovare e ndërsa një shtetase italiane 40 vjeçare.

Lajmi është bërë i ditur nga Ministri i Shëndetësisë, Arben Vitia, në një konferencë të jashtëzakonshme.

Pacientët e rezultuar me COVID-19 gjendet të shtrirë në Klinikën Infektive në QKUK dhe gjendja e tyre shëndetësore rezulton të jetë stabile.

Instituti i shëndetit ka filluar menjëherë me gjurmimin e të gjitha kontakteve të të dy pacientëve dhe janë marrë masat e vetë karantimin të personave që ata kanë qenë në kontakt./Arbresh.info